Kayzen

Dünyanın avtomobil tarixində ilklərə imza atan tanınmış şirkətlər və markalar yəqin ki, çoxları üçün maraq kəsb edir.

Dünyada ilk dəfə avtomobillər arasında kondisionerdən, avtomatik transmissiyadan, təhlükəsizlik yastığından, tavandakı “lyuk”dan, “offroader” modelindən, polad yükboşaldan kuzovdan, dizel və turbo mühərrikdən, mərkəzi qapanma, “Cruise Control” (sürət tənzimləyici), naviqasiya və ABS əyləc sistemindən və sairə istifadə olunan avtomobil markalarının adlarını və fotolarını oxuculara təqdim edir.
Davamı →

Hazırda dünyanın ən məşhur avtomobil brendlərindən biri olan Ferrari şirkəti öz yaradılışını avtomobil yarışçısı Entso Ferrariyə borcludur. Onun avtomobilləri öz gözəlliyi, rahatlığı və sürəti ilə məşhurdur. Entso öz avtomobillərində Rolls-Royce dəbdəbəsini, “Formula-1” sürətini və klassik idman avtomobilləri gözəlliyini birləşdirib. Ferrari indi də öz möhtəşəmliyini qoruyub saxlayır. Bu əvəzedilməzlik isə bütün güc və pulunu avtomobil yarışlarına sərf edən qəribə italyanlı sayəsində yaranmışdır. O öz avtomobillərini “Scuderia Ferrari” idman cəmiyyətini daha da inkişaf etdirmək üçün buraxırdı.

Çox əzmli insan olan Ferrari öz soyadı kimi parlaq həyat yaşayıb. O 14 avqust 1988-ci ildə 90 illik yubileyini qeyd etdikdən 6 ay sonra dünyasını dəyişir.
Davamı →

Eydzi Toyoda “Toyota Motors” şirkətinin yaradıcılarından biridir. 101 yaşında dünyasını dəyişən bu şəxs öz fəaliyyəti ilə həyatda yalnız pul üçün deyil, dahi ideya uğrunda da zəhmət çəkməyin nə demək olduğunu izah etmişdir.

O öz ömrünün 64 ilini Toyota şirkətinə həsr etmişdir. O burada avtomexanik vəzifəsindən başlamış, öz fəaliyyətini direktorlar şurasının sədri olaraq başa vurmuşdur. Beləliklə də, öz arzusunu reallaşdırmış olmuşdur.

Bütün dövrlərdə yaxşı avtomobilə sahib olmaq bir kişinin cəmiyyətdəki statusunun göstəricisi idi. Hazırda da, şəxsi inkişaf mütəxəssisləri yeni-yeni uğurlara nail olmaq üçün avtomobil almaq və yaxud onu yenisi və daha dəbdəbəlisi ilə əvəz etməyi məsləhət görürlər.
Davamı →

1. Hazırlanan ilk avtomobillərdə sükan yox idi. Buna görə ilk sürücülər bir hərəkət qolu ilə avtomobillərini idarə edirdilər.

2. Nyu York Polis Departamenti 1989-cu ildə həddindən artıq sürətdən istifadə edən avtomobil sürücülərini təqib etmək üçün velosipedlərdən istifadə ediblər.

Davamı →

Mexaniki idarə olunan avtomobillərin sayı getdikcə azalır. Bunun səbəbi isə bəllidir: üç pedallı avtomobili idarə etmək yeni nəsil sürücülərə daha çətin gəlir. Amma mexaniki idarə olunma sistemini peşəkarcasına öyrənəndən sonra avtomatik idarəolunma da bəzi insanlara sadə görünür.

1. Əvvəla mexaniki ötürücülü maşınlar daha ucuz olur.

2. Mexaniki ötürücü daha etibarlıdır. Xarab olduqda onu münasib qiymətə başqası ilə əvəzləmək mümkündür.
Davamı →

Avtomobil mütəxəssisləri 2017-ci ilin ən qənaətcil maşınlarının siyahısını tutub. Münasib “dəmir at”ların siyahısına “Mazda CX-3” başçılıq edir. Bu maşın 100 km-ə 7,45 litr yanacaq yandırır. İkinci və üçüncü yerləri “Honda” markaları tutur – “Honda HR-V” və “Honda CR-V”. Bu maşınların hər ikisi 100 km-də 8,4 litr yanacaq “içir”.

Dördüncü yerdə Yaponiyanın “Nissan Juke” maşını (8,5 litr), beşincidə isə ABŞ-ın kompakt “Buick Encore” modeli qərarlaşıb (8,7 litr).
Davamı →

Bəzi maşınların işlənmişinə digər markaların təzələrindən daha çox tələbat olur. Adətən Azərbaycanda və digər qonşu ölkələrdə orta gəlirli insanlar “Mercedes” avtomobilinin markalarına üstünlük verirlər. Amma cibə bir balaca əziyyət verməklə daha baha olan, lakin uzun illər dostunuza çevriləcək maşınlar almaq mümkündür.

Avtoekspertlər təzələrdən daha yaxşı olan 3 işlənmiş maşının siyahısını tutublar.
Davamı →

Əksər sürücülər təkər alarkən onun hansı şəraitdə saxlanılmasına fikir vermir. Əslində isə burada diqqət ediləsi bəzi məqamlar var.

Hazırda bazarda təkərlər həm açıq, həmdə bağlı şəraitdə satılır. Ustaların dediyinə görə, açıq şəraitdə saxlanılan təkərlərin bağlılarla müqayisədə bir sıra mənfi xüsusiyyətləri var.

Təkər bazarında çəkiliş apararkən də məlum oldu ki, satıcılar bu tələblərə əməl etmir. Yəni təkərlər açıq şəkildə satılır. Satıcılar deyirlər ki, xaricdən təkər alarkən ona üzlük vurdurmaq üçün əlavə bir dollar tələb olunur ki, bunda da əksər alıcı maraqlı deyil.

Usta, Sahil Ağabəyli deyir ki, təkərlər mütləq bağlı şəraitdə saxlanılmalıdır. Əks halda onların ömrüz göstəriləndən az olur. Ustanın sözlərinə görə, açıq şəraitdə deformasiyaya uğramış şinlərin avtomobilə taxılmsı hətta qəzaya da səbəb ola bilər.

milli.az 
Davamı →

İdarə etdiyi avtomobildə AA seriyalı nömrə nişanının olmasını bəzi sürücülər prestij hesab etsə də, buna adi yanaşanlar da az deyil. Bəs AA seriyalı nömrələr kimlərə verilir? Adi vətəndaşlar bu seriyadan olan nömrəni necə ala bilərlər?

Baş Dövlət Yol Polisi İdarəsinin (BDYPİ) şöbə rəisi, polis polkovniki Kamran Əliyev suallara cavab verib.

Kamran Əliyev deyib ki, əlifbanın ilk hərifi ilə başlayan AA seriyalı nömrə nişanları yalnız dövlət orqanlarına məxsusu avtomobillərə deyil, həm də hüquqi şəxslərə verilir.
Davamı →

Temperaturun düşməsi, yağışlı və qarlı hava şəraiti, maşının şüşələrinin tərləməsinə səbəb olur.Təhlükəsiz idarəetmənin postulatlarından biri — yolda aydın seçilə bilməkdir.

Bu məsələ xüsusən yağıntı və qaranlıqla əlaqədar, yoldakı vəziyyəti anlamaqda çətinlik yarandığı fəsil aralıqlarında və qışda aktualdır. Sürücülər də əsasən ilin bu vaxtlarında aynaların tərləməsi problemi ilə üzləşirlər.

Aynaların tərləməsinin əsas səbəbi — temperatur fərqidir. Salonda temperatur yüksək olduqda, havadakı su damcıları kondensləşərək soyuq aynalara yığılır. Bu zaman aynaları isitmək və salondakı havanı qurutmaqla bu problemi aradan qaldırmaq olar— adətən bu ikisi eyni vaxtda icra olunur.
Davamı →